En Estrasburgo

A posible desaparición do actual sistema de cotas lácteas no ano 2015 en toda a UE sitúa ao agro galego nunha situación crítica que require de medidas de apoio para garantir a viabilidade das explotacións.
A tal efecto, plantexamos á comisaria europea de Agricultura e Desenvolvemento Rural, Marian Fisher Boel, a necesidade de habilitar un fondo para rexións sensibles e moi dependentes pola súa vocación láctea.

Nunha reunión celebrada onte en Estrasburgo coa comisaria Fischer, insistimos en que hai que actuar rápido, antes de que sexa demasiado tarde, polo que solicitamos a súa visita a Galicia co obxectivo de que coñeza de primeira mán os problemas das cotas lácteas e das explotacións gandeiras galegas. Así llo pedimos.

Alí constatamos que a mala política negoaciadora do Goberno central, xunto coa nula capacidade do bipartito para mudar as políticas europeas relacionadas coa agricultura conduciron ao escenario actual, no que os gandeiros galegos padecen as consecuencias negativas desta situación.

Así, o aumento lineal das cotas de producción para os 27 países da UE prexudica a territorios deficitarios, como Galicia, sen que polo de agora se teñan habilitado axudas para apoiar a competitividade do sector.

Xunto con José Manuel Durao Barroso, o Presidente do Parlamento europeo, fixémoslles una invitación a partires do 1 de marzo co obxectivo de que coñezan de primeira man os nosos problemas e no que a Unión Europea pode axudar, como o problema lácteo, da pesca, o AVE transfonterizo con Portugal e, o levantamento do veto de Astano para que recupere a construcción civil.